Туриннинг «Ювентус» клуби А Сериянинг 36-турида «Сампдория»ни 2:0 ҳисобида мағлуб этиб, мавсум якунланишига икки тур қолганида чемпионлик масаласини ҳал этиб бўлди.
«Кекса синьора»нинг 35 ёшли ҳужумчиси Криштиану Роналду учун бу «Ювентус» сафидаги кетма-кет иккинчи чемпионлик ва учинчи соврин бўлди. Роналду жамоаси билан 2018 йилда Италия Суперкубогида ҳам ғалаба қозонганди.
Роналдунинг «Эль-Класико»лардаги топ-5 голини томоша қилинг (видео)
Умумий қилиб олганда португалиялик футболчи фаолияти давомида 32 та совринни қўлга киритган. «Спортинг» сафида 1 та, «Манчестер Юнайтед»да 10 та, «Реал»да 16 та, «Ювентус»да 3 бор турли мусобақаларда ғолиб бўлган. Шунингдек, у Португалия терма жамоаси билан ҳам иккита мусобақада зафар қучган. Булар Евро—2016 ва Миллатлар Лигасининг 2018/2019 йилги мавсуми.
Роналду 2018 йилнинг ёзидан бери «Ювентус» шарафини ҳимоя қилиб келади. «Ювентус» унинг трансфер учун «Реал»га 117 миллион евро берганди. 2019/20 йилги мавсум Роналду А Сериянинг 32 учрашувида 31 та гол урди ва 6 та голга ҳаммуаллифлик қилди. Унинг туринликлар билан амалдаги шартномаси 2022 йилнинг ёзигача амал қилади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)