Вьетнамлик блогерлар картон қоғоздан ясалган Lamborghini Aventador SVJ нусхасини намойиш этди. Бу каби ноодатий машинани яратиш учун беш ой ва 500 долларга яқин маблағ сарфланган, деб хабар беради Motor.
Суперкар базаси сифатида ўзаро пайвандланган пўлат бруслардан фойдаланилган. Блогерлар машина шассисини энг арзон деталлар ва металломдан ясаган.
Кейинги босқичда эса картон қоғозларидан кузов яратилган. Блогерлар ушбу масалага жиддий ёндашган: картондан оптикага хос тешиклар, кўплаб ҳаво ҳайдовчи тирқишлар ва буғланувчи сплиттер қирқилган. Шунингдек, вьетнамликлар капотнинг шаклини такрорлашга ҳаракат қилган, моделга «чайка қанотлари» номли кўтарма эшиклар ўрнатган.
Мазкур нусхани мотоциклнинг 150 кубли мотори ҳаракатга келтиради.
Оригинал Lamborghini Aventador SVJ’га 770 от кучи ва 720 Нм айланувчи моментга эга 6,5 литрли атмосфера V12 ўрнатилган. Модель соатига 100 километр тезликка 2,8 сонияда эришади, максимал тезлиги эса 350 км/соатга тенг.
Аввалроқ ветнамлик ушбу блогерлар картон қоғозидан Bugatti Chiron моделини ясагани тўғрисида хабар берилганди.
Мавзуга доир: Янги Lamborghini суперкарининг ташқи кўриниши фош этилди
Изоҳ (0)