Toshkentdagi Haydar Aliyev ko‘chasida avtomobil harakatining qisman cheklanishi 4 kunga uzaytirildi

Toshkent shahri Mirobod tumanidagi Haydar Aliyev ko‘chasi 13-iyulda ta’mirlash ishlari sabab bir haftaga yopilgan edi.

Toshkent shahar hokimligi mazkur yo‘l qismida qo‘shimcha ta’mirlash ishlari olib borilayotganligi sababli, harakatlanishning qisman cheklanishi 2020-yil 24-iyul kuniga qadar davom etishini ma’lum qildi. Shu vaqt oralig‘ida avtomobillar oqimi ham harakatlanishning bitta chizig‘i bo‘yicha amalga oshiriladi.

Hokimlik haydovchilarga yuzaga kelishi mumkin bo‘lgan tirbandliklarning oldini olish maqsadida aylanma yo‘llardan foydalanishlarini tavsiya etgan.

Avvalroq Yunusobodning Ahmad Donish ko‘chasidagi yo‘l qurilishi qachon yakunlanishi haqida video e’lon qilingan edi.