O‘zbekiston adliya vazirining Ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi Shahnoza Soatova Telegram’dagi kanali orqali koronavirusga qarshi kurashayotgan tibbiyot xodimlariga minnatdorchilik bildirdi.
Bugun shifokorlarga nisbatan ayrim salbiy fikrlar aytilyapti. Lekin haqiqiy fidoyi, o‘z kasbining ustalari jonlarini xatarga qo‘yib bo‘lsa ham jang maydonining old qatorida turishibdi. Ularning ham uyida keksa ota-onasi, yosh bolalari bor. Yaqinlarini xatarga qo‘ymaslik uchun uylariga bir necha haftalab borishmayapti, hatto o‘z yaqinlari betob bo‘lsa ham, qaray olishmayapti. Biz shunday fidoyilik qila olamizmi begona insonlar uchun?Eslatib o‘tamiz, Shahnoza Soatova o‘zida koronavirus belgilari kuzatilayotgan bo‘lsa-da, test topshira olmayotgani haqida avvalroq hikoya qilgandi. Keyinroq u pnevmoniyadan qanday davolanayotganini aytib bergan.Ma’lumot uchun, O‘zbekistonda tibbiyot xodimlarining koronavirusdan vafot etishi bilan bog‘liq ikki holat jamoatchilikka ma’lum qilingan. Ulardan biri Yakkasaroy tumani tibbiyot birlashmasining O‘rtasaroydagi karantin markazidagi xizmat ko‘rsatishga safarbar etilgan shifokori Alisher Uralov bo‘lsa, ikkinchisi Olmazor tumani “Mirzo G‘olib” mahallasida joylashgan 18-oilaviy poliklinika katta hamshirasi Feruza To‘xtayevadir.Shifokorlar, hamshiralar, sanitarkalar... Har safar oldimga kirishganida alohida himoya kiyimlarini ko‘rib, o‘zlarini naqadar xavfga qo‘yayotganlarini o‘ylayman. Tashqarida 40, kostyumning ichida 60 daraja bo‘lsa kerak kamida. Ularni himoyalash uchun niqobimni taqqan bo‘laman. O‘zi asrasin!
Asli birinchi navbatda shifokorlar haqida yozishim kerak edi. Lekin xudbinlik o‘lsin, faqat o‘zimni gapirdim. Shuning uchun bu safargi uzun minnatdorlik postim ularga bag‘ishlanadi.
Oxirgi ikki kun og‘ir bo‘ldi, Alloh dedim va vrachlarga najot tilab talpindim. Niqob ustidan ko‘rinib turgan nigohlaridan ahvolim, kelajagim haqida nimalarnidir o‘qishga urindim. Ular esa ‘hammasi yaxshi bo‘ladi’ deyishdi. Bugun yaxshiman ancha, demak, aldashmabdi.
Hozir Toshkent tibbiyot akademiyasining ko‘p tarmoqli klinikasida (xalq tilida ‘Eski ToshMi’ deyiladigan) davolanyapman. Kelgan kunim ahvolim juda yomon edi, nafasim qisardi, havo yetishmayotgandi, behollik va bo‘g‘inlar og‘rishi, ishtahasizlik... Testim natijasi manfiy bo‘lsa ham, baribir belgilar COVID’niki. Qabulxonada isitma ichida navbat kutayotganimda, olib qolmay qaytarvorishsa-chi, degan qo‘rquv bor edi. Lekin olib qolishdi, mendan qochmay, rad etmay, yordamga shoshilishdi. Kerakli dori-darmonlarni qayerdan bo‘lsa ham topib kelib, tezda davolashni boshlashdi.
Shunday daqiqalarda yordam qo‘lini cho‘zgan, shirin so‘zi bilan ko‘nglimni ko‘tarib, e’tibor va bilimi bilan sog‘lig‘im uchun kurashayotgan, har kuni o‘zi xabar olib, nazorat qilib turgan klinika rahbari Abdashimov Zafar Baxtiyorovichdan alohida minnatdorman.
Yakshanba kuni bo‘lishiga qaramay, kechasi ham qolib qarayotgan, uzoqroq ketsa, telefonda xabarlashib, doim dardimni yengillatishga tayyor turgan 2-umumiy terapiya bo‘limi boshlig‘i Atanazarov Inomjon Qadambayevichni bir umr duo qilaman.
Go‘zal, Dilshoda va men ismini bilmaydigan yana boshqa hamshiralarga, sanitarkalarga ulkan minnatdorchiligimni bildiraman.
Bugun shifokorlarga nisbatan ayrim salbiy fikrlar aytilyapti. Lekin haqiqiy fidoyi, o‘z kasbining ustalari jonlarini xatarga qo‘yib bo‘lsa ham jang maydonining old qatorida turishibdi. Ularning ham uyida keksa ota-onasi, yosh bolalari bor. Yaqinlarini xatarga qo‘ymaslik uchun uylariga bir necha haftalab borishmayapti, hatto o‘z yaqinlari betob bo‘lsa ham, qaray olishmayapti. Biz shunday fidoyilik qila olamizmi begona insonlar uchun?
Oxirgi ikki kun isitmam qayta chiqqanida turli xayollar, vasvasalar ichra ko‘zimga ular najot farishtasi bo‘lib ko‘rinishdi. Ishqilib, nimadir qilishsin, yo‘lini topishsin deyman. Yo‘lini qidirishyapti, taslim bo‘lmaymiz, opa, siz ham taslim bo‘lmang deyishadi. Alloh rozi bo‘lsin!
Ular uchun nimadir qilishim kerak deyman, ammo kuchim qalamimga yetadi faqat. Duo qilaman. Shifokorlarimizni asrashimiz kerak. Duolaringizda ularni ham eslang.
Yana meni dard bilan yolg‘iz qoldirmay, o‘zim taslim bo‘lay deganimda ham yo‘q sizni tuzatamiz deb tirgak bo‘lib turgan, onamning ahvollari bilan ham qiziqib, yarim tunda ham murojaat qilavering, deb dalda berayotgan sevimli jamoam va rahbariyatimga, mashinalar yurmagan payti onam va menga suv va dorilar yetkazib bergan Muslim Mirzajonovga, onlayn maslahatlar berib turgan barcha do‘stlarimga, kun-u tun men uchun halovatidan kechib, yelib-yugurayotgan yaqinlarimga, sevgililarimga ulkan rahmatlarim.
Menga g‘oyibona madad berib turgan barcha barchadan Alloh rozi bo‘lsin! Sizlarning muhabbatingiz meni qutqaryapti.
Bugun isitmam yo‘q, saturatsiya 94 foiz. Ya’ni ancha yaxshi bo‘lib qoldim. Duolaringiz, hamdardligingiz, qo‘llab-quvvatlaganingiz uchun rahmat. Ko‘plashib yengamiz, inshaalloh!
Tezroq tuzalishim kerak. Vaqt g‘animat, joyni boshqalarga bo‘shatishim kerak...
Shahnoza Soatova, adliya vazirining maslahatchisi
Mamlakatda koronavirus infeksiyasidan zararlangan bemorlar bilan muloqotga kirishadigan, zararlangan bemorlar joylashtirilgan obyektlarda hamda koronavirus infeksiyasini aniqlash laboratoriyalarida faoliyat olib borayotgan tibbiyot xodimlariga har 14 kunlik faoliyat davri uchun maxsus qo‘shimcha rag‘batlantirish to‘lovi belgilangan. Shuningdek, bemorlar bilan ishlash davomida koronavirus infeksiyasini yuqtirib olgan tibbiyot, sanitariya-epidemiologiya xizmati va boshqa xodimlarga 100 million so‘mdan to‘lanadi.
Koronavirus infeksiyasiga qarshi kurashish doirasida bemorlar bilan ishlagan vaqtida koronavirus infeksiyasini yuqtirish natijasida og‘ir ahvolga tushgan va sog‘lig‘i tiklanmagan taqdirda tibbiyot, sanitariya-epidemiologiya xizmati va boshqa xodimlarga yoki ularning oila a’zolariga esa 250 million so‘m miqdorida bir martalik to‘lovlar to‘lanadi.
Izoh (0)