Ijtimoiy tarmoqlarda shifokorlarning o‘zaro suhbati aks etgan video tarqaldi.
Tasvirda shifokorlar oyliklarini berishmayotganidan va koronavirusga chalingan feldsherning shifoxona bo‘ylab bemalol harakatlanishiga tuman SSB ruxsat berib qo‘ygani aytilgan.
Shifokorlarning biri 20 kunlik ish haqini ololmayotgani. Rahbarlar sansalorlikka solib, turli bahonalar bilan unga pulini bermayotganini gapirgan. Uning aytishicha, rahbarlar 4,5-5 million so‘m berishni va’da qilgan.
“Men ulardan qarz so‘ramayapman, o‘zim ishlagan pulimni so‘rayapman”, — deydi u.
Shifokor maxsus kombinezonlarning dezinfeksiya qilinishini ham tanqid qilgan. Uning ta’kidlashicha, oddiy suv bilan “pis-pis” qilingani bilan virus yo‘q bo‘lmasligini aytgan. Shuningdek, ular shu tarzda virus tashuvchi bo‘lib qolayotganini aytgan.
Yana bir xodim esa yuqoridagi tarzda dezinfeksiya qilingan maxsus kiyimlarni kiyishga rozi bo‘lmaganini aytgan. Shuningdek, u birinchi shifokorning oyligini ololmayotganiga nisbatan “Davlat bergan ‘forma’sini bermayapti-yu, sani ishlagan pulingni beradimi?” tarzda javob qaytargan.
Bularni eshitayotgan yana bir xodim bularning barchasi o‘yin ekanligini iddao qilgan.
Shifokorlar suhbatida koronavirusga chalingan Davron ismli tibbiy feldsher bemalol niqobsiz shifoxonada yurgani, unga tuman SSB ruxsat bergani aytilgan.
Suhbat aynan qayerda va qaysi tumanga qarashli tibbiyot xodimlari o‘rtasida bo‘lgani noma’lum.
Mavzuga doir:
- Toshkentda tez yordam xodimlari xonadonga borib, bitta “zayavka”ga faqat bir nafar bemorni tekshirmoqda (video)
- “Daryo” surishtiruvi: O‘zbekistondagi xususiy klinikalarda koronavirusga test topshirish narxi qimmat bo‘lsa-da, uzun navbatlar yuzaga kelmoqda
- “Har bir tuman rahbari murojaat qilsa, uzoq-uzoq qishloqlarda 50-100 nafar hamshira topsa bo‘ladi” — Shavkat Mirziyoyev tibbiyot kollejlari bitiruvchilarini ishga jalb qilish haqida gapirdi
Izoh (0)