AOKA huzuridagi shtabda 16-iyul, payshanba kuni o‘tkazilgan brifingda Sanitariya-epidemiologiya nazorati davlat inspeksiyasi boshlig‘i Nurmat Otabekov fuqarolarni qiziqtirgan o‘nlab savollariga javob berdi.
Bosh davlat sanitariya inspektori poytaxtlik shifokorlardan birining “Men davlat shifoxonasida faoliyat yuritaman. Hozir karantin bo‘lganligi uchun ishga rahbariyat tomonidan ajratilgan avtobus olib borib kelyapti. 18—19-iyul hamda 25—26-iyul kunlari respublika bo‘yicha avtotransport vositalari umuman yurmas ekan. Ammo 18 va 25-iyul — shanba kunlari bizda ish kuni hisoblanadi. Ushbu sanalarda ishga boramizmi yoki uyda qolamizmi?”, degan savoliga shunday javob qaytardi:
“Haqiqatan ham joriy yilning 18—19-iyul hamda 25—26-iyul — shanba va yakshanba kunlari butun sutka davomida mamlakat miqyosida harakatlanish, avtotransport vositalarining, xususan, yo‘nalishsiz taksilarning harakati to‘liq to‘xtatilishi rejalashtirilgan.
Shu jumladan, 18—19-iyul hamda 25-26—iyul — shanba va yakshanba kunlari quyidagilar:
- aholiga o‘zini o‘zi yakkalash hayot tarziga qat’iy rioya etgan holda o‘z uylarida qolish;
- davlat organlari va muassasalari, xo‘jalik birlashmalari hamda boshqa tashkilotlarga xodimlarni ishga jalb etmaslik, xodimlarning ushbu kunlarda uyda qolishi uchun shart-sharoit yaratish tavsiya etiladi.
Izoh (0)