АОКА ҳузуридаги штабда 16 июль, пайшанба куни ўтказилган брифингда Санитария-эпидемиология назорати давлат инспекцияси бошлиғи Нурмат Отабеков фуқароларни қизиқтирган ўнлаб саволларига жавоб берди.
Бош давлат санитария инспектори пойтахтлик шифокорлардан бирининг «Мен давлат шифохонасида фаолият юритаман. Ҳозир карантин бўлганлиги учун ишга раҳбарият томонидан ажратилган автобус олиб бориб келяпти. 18—19 июль ҳамда 25—26 июль кунлари республика бўйича автотранспорт воситалари умуман юрмас экан. Аммо 18 ва 25 июль — шанба кунлари бизда иш куни ҳисобланади. Ушбу саналарда ишга борамизми ёки уйда қоламизми?», деган саволига шундай жавоб қайтарди:
«Ҳақиқатан ҳам жорий йилнинг 18—19 июль ҳамда 25—26 июль — шанба ва якшанба кунлари бутун сутка давомида мамлакат миқёсида ҳаракатланиш, автотранспорт воситаларининг, хусусан, йўналишсиз таксиларнинг ҳаракати тўлиқ тўхтатилиши режалаштирилган.
Шу жумладан, 18—19 июль ҳамда 25-26—июль — шанба ва якшанба кунлари қуйидагилар:
- аҳолига ўзини ўзи яккалаш ҳаёт тарзига қатъий риоя этган ҳолда ўз уйларида қолиш;
- давлат органлари ва муассасалари, хўжалик бирлашмалари ҳамда бошқа ташкилотларга ходимларни ишга жалб этмаслик, ходимларнинг ушбу кунларда уйда қолиши учун шарт-шароит яратиш тавсия этилади.
Изоҳ (0)