Qirg‘iziston sog‘liqni saqlash vaziri Sobirjon Abdikarimovda pnevmoniya, uning o‘rinbosari Nurbo‘lot Usenbayevada esa koronavirus aniqlandi. Bu haqda 10-iyul kuni Qirg‘iziston SSV Jamoat salomatligi boshqarmasi boshlig‘i Aynura Akmatova ma’lum qildi.
“Kaktus.media”ning yozishicha, Qirg‘izistonda 10-iyulgacha koronavirusga chalinish bilan bog‘liq 9 358 ta holat qayd etilgan (1 450 ta holatda tibbiyot xodimlari kasallangan). 3 134 kishi sog‘aygan, 122 kishi esa koronavirus asoratlari oqibatida vafot etgan.
O‘tgan bir sutka davomida esa mamlakatda pnevmoniya tashxisi qo‘yilgan 40 nafar bemor vafot etgan.
Izoh (0)