Qozog‘istonning Olmaota viloyati hokimi o‘rinbosari Serikjan Beskempirov pnevmoniyadan vafot etdi, deya xabar bermoqda Tengrinews. Ushbu axborotni viloyat hokimligi matbuot xizmati ham tasdiqlagan.
60 yoshli Serikjan Beskempirov 2012-yili Olmaota viloyati hokimi o‘rinbosari etib tayinlangan edi. Avvalroq, 10-iyul tongida Olmaota viloyati bosh davlat sanitariya vrachi Qayrat Baymuhambetov ham pnevmoniyadan vafot etgani haqida xabar berilgan edi.
Prezident Qosim-Jo‘mart To‘qayev Qozog‘istonda koronavirusning ikkinchi to‘lqini boshlanganini e’lon qilgan edi. Mamlakatda so‘nggi bir sutkada koronavirusga chalinish bilan bog‘liq 1726 ta holat qayd etilgan; jami kasallanganlar soni 54 mingdan ortiq, 280 bemor vafot etgan.
Izoh (0)