Boliviyaning muvaqqat prezidenti Janin Anyes koronavirusga chalindi. Bu haqda siyosatchi o‘zining Twitter’dagi sahifasi orqali ma’lum qildi.
“Ahvolim yaxshi, izolyatsiyadan turib ishlayman”, — deb yozadi Anyes.
Boliviya prezidenti vazifasini vaqtincha bajaruvchi Janin Anyes 53 yoshda. Jahon sog‘liqni saqlash tashkilotining ma’lumotlarga ko‘ra, koronavirus nafaqat keksalarni, balki yoshlarga ham birdek zarar yetkazadi. Biroq surunkali kasalligi borlarda infeksiya og‘ir shaklda kechmoqda.
Avvalroq Boliviya sog‘liqni saqlash vaziri ham koronavirusga chalingani to‘g‘risida xabar berilgandi.
Bunga qadar Braziliya prezidenti Jair Bolsonaru, Qozog‘istonning birinchi prezidenti Nursulton Nazarboyev ham koronavirus yuqtirib olgan edi.
Izoh (0)