“Fiorentina” hujumkor yarim himoyachisi Frank Riberi talonchilik qurboni bo‘ldi.
La Repubbliсa xabariga ko‘ra, 5-iyul, yakshanba kuni tunda fransiyalik futbolchining Florensiyadagi uyi talon-toroj qilingan. Riberi A Seriya doirasida “Parma”ga qarshi kechgan uchrashuvdan (2:1) so‘ng uyiga qaytganida, o‘g‘rilik izlariga guvoh bo‘lgan.
Garchi zargarlik buyumlari va boshqa qimmatbaho buyumlar o‘g‘irlangani ma’lum bo‘lsa-da, hozircha futbolchining qancha zarar ko‘rgani aniq emas. Zarar miqdori hisob-kitob qilinayotgani ta’kidlanmoqda.
37 yoshli Riberi A Seriyaning joriy mavsumida 15 uchrashuv o‘tkazib, 3 ta gol urdi va 2 ta golga assistentlik qildi. “Parma”ga qarshi bahsda u jarohat ham orttirib oldi.
Izoh (0)