«Фиорентина» ҳужумкор ярим ҳимоячиси Франк Рибери талончилик қурбони бўлди.
La Repubblica хабарига кўра, 5 июль, якшанба куни тунда франциялик футболчининг Флоренциядаги уйи талон-торож қилинган. Рибери А Серия доирасида «Парма»га қарши кечган учрашувдан (2:1) сўнг уйига қайтганида, ўғрилик изларига гувоҳ бўлган.
Гарчи заргарлик буюмлари ва бошқа қимматбаҳо буюмлар ўғирлангани маълум бўлса-да, ҳозирча футболчининг қанча зарар кўргани аниқ эмас. Зарар миқдори ҳисоб-китоб қилинаётгани таъкидланмоқда.
37 ёшли Рибери А Сериянинг жорий мавсумида 15 учрашув ўтказиб, 3 та гол урди ва 2 та голга ассистентлик қилди. «Парма»га қарши баҳсда у жароҳат ҳам орттириб олди.
Изоҳ (0)