Dastin Porye UFC on ESPN 12 musobaqasining asosiy jangida Den Hukerni mag‘lubiyatga uchratdi.
Mazkur qarama-qarshilik muhim zarbalar soni bo‘yicha yengil vazn toifasi tarixidagi top-3 janglar ro‘yxatidan o‘rin oldi. Har ikki jangchi ijrosida umumiy 308 aniq zarba kuzatildi.
Dastin Porye va Maks Hollouey o‘rtasidagi revansh jang mazkur ko‘rsatkich borasida birinchi o‘rinda — 359 zarba. Ikkinchi o‘rindan esa Toni Fergyuson — Rafael dos Anyos (320) jangi joy olgan.
Eslatib o‘tamiz, Toshkent vaqti bilan 28-iyun tongida bo‘lib o‘tgan jangda Porye hakamlar qaroriga ko‘ra (48-47, 48-47, 48-46) Hukerdan ustun keldi.
Izoh (0)