Xitoy kibermakon administratsiyasi Xigua videoservisini (TikTok dasturiga egalik qiluvchi ByteDancekompaniyasiga tegishli) “vulgar kontent” uchun jazoladi. Bu haqda idora bayonotiga tayanib, Bloomberg xabar berdi.
Shuningdek, kibermakon administratsiyasi sanksiyasiga Xitoyning Tencent xoldingi sarmoya kiritgan kompaniya ilovasi ham uchragan. Gap Huya va DouYu striming servislari haqida ketmoqda.
Xususan, servislarga endilikda yangi foydalanuvchilarni ro‘yxatdan o‘tkazishni to‘xtatish majburiyati yuklangan.
Xitoy kibermakon administratsiyasi ma’lumotlariga ko‘ra, mazkur servislar “odobsiz raqslar, qo‘pol hazillar”ni translyatsiya qilish orqali “sotsialistik qadriyatlardan chekinmoqda” va “jamiyat muhitini buzmoqda”.
TikTok qisqa musiqiy video yaratishga, jonli efirlarni amalga oshirishga va xabar almashishga imkon beruvchi ijtimoiy tarmoq servisi hisoblanadi. 2016-yilning sentabr oyida ishga tushirilgan dastur Xitoyda qisqa videolar bo‘yicha yetakchi ijtimoiy tarmoq hisoblanadi.
Izoh (0)