Хитой кибермакон администрацияси Xigua видеосервисини (TikTok дастурига эгалик қилувчи ByteDance компаниясига тегишли) «вулгар контент» учун жазолади. Бу ҳақда идора баёнотига таяниб, Bloomberg хабар берди.
Шунингдек, кибермакон администрацияси санкциясига Хитойнинг Tencent холдинги сармоя киритган компания иловаси ҳам учраган. Гап Huya ва DouYu стриминг сервислари ҳақида кетмоқда.
Хусусан, сервисларга эндиликда янги фойдаланувчиларни рўйхатдан ўтказишни тўхтатиш мажбурияти юкланган.
Хитой кибермакон администрацияси маълумотларига кўра, мазкур сервислар «одобсиз рақслар, қўпол ҳазиллар»ни трансляция қилиш орқали «социалистик қадриятлардан чекинмоқда» ва «жамият муҳитини бузмоқда».
TikTok қисқа мусиқий видео яратишга, жонли эфирларни амалга оширишга ва хабар алмашишга имкон берувчи ижтимоий тармоқ сервиси ҳисобланади. 2016 йилнинг сентябрь ойида ишга туширилган дастур Хитойда қисқа видеолар бўйича етакчи ижтимоий тармоқ ҳисобланади.
Изоҳ (0)