TikTok va uning Xitoydagi muqobili Douyin aprel oyida dastur ichidagi xaridlar hisobiga 78 million dollar daromad ko‘rdi, deb yozadi Forbes.

Foto: Legion Media

Qayd etilishicha, bu ma’lumot o‘yin va reklamalardan tushgan foydani o‘z ichiga olmaydi.

2019-yilning apreli bilan solishtirilganda ikki dasturning daromadi 10 baravarga ortgan.

Dastur daromadining 86,6 foizini Xitoy bozoridan, 8,2 foizini esa AQShdan olgan.

TikTok ham, Douyin ham dastur ichidagi xaridlar bo‘yicha Google Play’dagi eng yaxshi dasturlar o‘ntaligiga kirmadi, biroq App Store’dagi dasturlar orasida birinchi o‘rinni egalladi.

YouTube ushbu reytingda ikkinchi o‘rinni egalladi. Uning daromadi 76 million dollarni tashkil etdi. Bir yil ichida videoxostingning daromadi 57 foizga oshdi.

TikTok’dan farqli ravishda servisga dastur ichidagi xaridlar bo‘yicha daromadni AQSh (56,4 foiz) va Yaponiya (11 foiz) foydalanuvchilari olib kelgan.

Kuchli beshtalikka, shuningdek, Tinder, Disney+ va Tencent Video videoservisi kiritildi. Netflix ro‘yxatda oltinchi o‘rinni egalladi.