Turkmaniston prezidenti Gurbanguli Berdimuhamedov 16-iyun kuni Toshhovuz viloyatida bo‘lib, bu yerdagi qishloq xo‘jalik maydonlarida amalga oshirilayotgan ishlar bilan tanishdi, deb xabar beradi “Turkmenistan segodnya” nashri.
Viloyatga tashrif davomida prezident Berdimuhamedov mahalliy fermerlar bilan uchrashib, bug‘doy hosilini o‘rish mavsumini boshlab berdi. U dastlab o‘roq bilan, keyinroq esa kombaynga chiqib bug‘doyni o‘rishga kirishgan. Shuningdek, Turkmaniston prezidenti viloyatdagi issiqxonalar faoliyati bilan ham tanishgan.
Ijtimoiy tarmoqlarda turkman televideniyesi tomonidan Toshhovuz viloyatiga Gurbanguli Berdimuhamedovning tashrifiga bag‘ishlab tayyorlangan lavha ko‘pchilikning e’tiborini tortdi. Birgina lavhaning o‘zida Berdimuhamedovga nisbatan “Arkadag‘”, “Ho‘rmetli Perzedentimiz” so‘zlari 86 marotaba ishlatilgan.
Taniqli o‘zbek blogeri Davletovuz turkman televideniyesining lavhasida aytilgan ushbu so‘zlarni alohida terib chiqib, birlashtirdi.
https://twitter.com/i/status/1273083339969355776
Arqadag‘ — Turkmaniston prezidenti Gurbanguli Berdimuhamedovning rasmiy va eng keng tarqalgan unvoni. Bu so‘z Turkmanston davlat OAV tomonidan “tayanch, umid va qo‘rg‘on” sifatida qo‘llaniladi. Bu qo‘shma so‘z bo‘lib, arka (o‘rqa) va dag‘ (tog‘) so‘zlaridan yasalgan — “Katta tayanch”, “Ortimizda turgan tog‘” ma’nosini beradi.
“Arqadag‘” unvoni Turkmaniston prezidentiga 2010-yilning 26-oktabrida, mamlakat mustaqilligining 19 yilligi arafasida o‘tkazilgan harbiy parad oldidan topshirilgan.
Mavzuga doir:
- Gurbanguli Berdimuhamedovning o‘g‘li uy hayvonlari uchun mehmonxona ochdi, o‘zi esa itlardan biriga atab she’r yozdi
- Gurbanguli Berdimuhamedov velosayr davomida velosipedchiga atab qurilayotgan monumentni ko‘zdan kechirdi
- Turkmanistonda davlat tashkilotlarining 40 yoshdan oshgan xodimlariga sochini qoraga bo‘yash taqiqlandi
- Turkmanistondagi birinchi alabay itlari muassasasiga 7 ta bank sarmoya ajratadi
- Turkmanistonda o‘qituvchilar prezident kitoblarini o‘qishga majburlanmoqda
Izoh (0)