KXDR hukumati o‘z qo‘shinlarini Janubiy Koreya chegarasiga — Kimgansan turistik zonasi va Keson sanoat kompleksiga joylashtirishga tayyorlanmoqda. Bu haqda Koreya xalq armiyasi bosh shtabi vakiliga tayanib, Markaziy telegraf agentligi xabar berdi.
Bosh shtab vakilining so‘zlariga ko‘ra, mazkur hududlarga polk darajasidagi harbiy qismlar, shuningdek, zaruriy o‘tochar bo‘linmalar joylashtiriladi. Ularga qo‘yilgan jangovar vazifa — chegaraoldi zonalarini qo‘riqlash.
“Choson sinbo” gazetasining ma’lum qilishicha, Pxenyan Janubiy Koreya chegarasi yaqinida barcha turdagi harbiy mashg‘ulotlarini qayta boshlash niyatida. Oldin chaqirib olingan fuqarolik qo‘riqlov postlari yana demilitarizatsiya zonasiga qaytadi.
Avvalroq KXDR Keson shahridagi Koreyalararo aloqa ofisiga Janubiy Koreya vakillari tomonidan amalga oshirilgan telefon qo‘ng‘iroqlariga javob qaytarmay qo‘ygani, 9-iyundan boshlab esa ikki mamlakat o‘rtasidagi mavjud barcha aloqa kanallarini to‘xtatilgani to‘g‘risida xabar berilgandi. Ta’kidlanishicha, KXDR Seul bilan barcha aloqa liniyalarini Pxenyanga qarshi yuborilgan tashviqot varaqalari sabab bloklagan.
Izoh (0)