Туркманистон президенти Гурбангули Бердимуҳамедов 16 июнь куни Тошҳовуз вилоятида бўлиб, бу ердаги қишлоқ хўжалик майдонларида амалга оширилаётган ишлар билан танишди, деб хабар беради «Туркменистан сегодня» нашри.
Вилоятга ташриф давомида президент Бердимуҳамедов маҳаллий фермерлар билан учрашиб, буғдой ҳосилини ўриш мавсумини бошлаб берди. У дастлаб ўроқ билан, кейинроқ эса комбайнга чиқиб буғдойни ўришга киришган. Шунингдек, Туркманистон президенти вилоятдаги иссиқхоналар фаолияти билан ҳам танишган.
Ижтимоий тармоқларда туркман телевидениеси томонидан Тошҳовуз вилоятига Гурбангули Бердимуҳамедовнинг ташрифига бағишлаб тайёрланган лавҳа кўпчиликнинг эътиборини тортди. Биргина лавҳанинг ўзида Бердимуҳамедовга нисбатан «Аркадағ», «Ҳўрметли Перзедентимиз» сўзлари 86 маротаба ишлатилган.
Таниқли ўзбек блогери Давлетовуз туркман телевидениесининг лавҳасида айтилган ушбу сўзларни алоҳида териб чиқиб, бирлаштирди.
https://twitter.com/i/status/1273083339969355776
Арқадағ — Туркманистон президенти Гурбангули Бердимуҳамедовнинг расмий ва энг кенг тарқалган унвони. Бу сўз Туркманстон давлат ОАВ томонидан «таянч, умид ва қўрғон» сифатида қўлланилади. Бу қўшма сўз бўлиб, арка (ўрқа) ва дағ (тоғ) сўзларидан ясалган — «Катта таянч», «Ортимизда турган тоғ» маъносини беради.
«Арқадағ» унвони Туркманистон президентига 2010 йилнинг 26 октябрида, мамлакат мустақиллигининг 19 йиллиги арафасида ўтказилган ҳарбий парад олдидан топширилган.
Мавзуга доир:
- Гурбангули Бердимуҳамедовнинг ўғли уй ҳайвонлари учун меҳмонхона очди, ўзи эса итлардан бирига атаб шеър ёзди
- Гурбангули Бердимуҳамедов велосайр давомида велосипедчига атаб қурилаётган монументни кўздан кечирди
- Туркманистонда давлат ташкилотларининг 40 ёшдан ошган ходимларига сочини қорага бўяш тақиқланди
- Туркманистондаги биринчи алабай итлари муассасасига 7 та банк сармоя ажратади
- Туркманистонда ўқитувчилар президент китобларини ўқишга мажбурланмоқда
Изоҳ (0)