Futbol bo‘yicha Germaniya chempionatining 32-turidan o‘rin olgan 16-iyun, seshanba kuni uchrashuvlar yakunlandi.
“Bavariya” jamoasi Bremenda “Verder” mehmoni bo‘ldi. Uchrashuvning 43-daqiqasida Robert Levandovski myunxenliklarni oldinga olib chiqdi. 79-daqiqada mehmonlar Alfonso Devisning chetlatilishidan so‘ng bir kishi kam bo‘lib qoldi, biroq bremenliklar qolgan vaqt davomida sondagi ustunlikdan unumli foydlana olmadi.
Ochkolarini 76 taga yetkazib olgan “Bavariya” mavsum tugashiga ikki tur qolganda muddatidan avval chempionlik masalasini hal qildi. Shu tariqa Myunxen klubi o‘z tarixida 30 marta va ketma-ket 8-bor Bundesliga chempioniga aylandi.
Myunxengladbaxning “Borussiya”si o‘z uyida “Volfsburg”ga qarshi bahs yuritdi. Yonas Hofmanning dubli va Lars Shtindlning goli mezbonlarga yirik g‘alabani taqdim etdi.
Bundesliga
32-tur bahslari
16-iyun, seshanba
“Verder” — “Bavariya” 0:1
Gol: 0:1 – 43 Levandovski.“Verder”: Pavlenka, Gebre Selassiye, Fridl, Velkovich (Pisarro, 88), Fogt (Langkamp, 46), Bitenkur (Sardjent, 62), Eggeshtayn, Rashitsa (Bartels, 62), Klassen (Fyullkrug, 84), Moysander, Osako.
“Bavariya”: Noyer, Boateng, Pavar, Alaba, Kimmix, Gnabri (Lyuka Ernandes, 82), Devis, Goretska, Koman, Levandovski, Myuller.
Ogohlantirishlar: Devis (19), Eggeshtayn (56), Langkamp (88), Kimmix (89).
Chetlatish: Devis (79).
“Borussiya M” — “Volfsburg” 3:0
Gollar: 1:0 – 10 Hofmann, 2:0 – 30 Hofmann, 3:0 – 65 Shtindl.“Union” — “Paderborn” 1:0
Gol: 1:0 – 27, avtogol Solinski.“Frayburg” — “Herta” 2:1
Gollar: 1:0 – 61 Grifo, 1:1 – 66, penalti Ibishevich, 2:1 – 71 Petersen.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)