«Ювентус» 12 июнь, жума куни Италия кубоги 1/2 финалидан ўрин олган жавоб учрашуви доирасида «Милан»га қарши баҳс олиб борди.
Ўйин 0:0 ҳисобида якунланган бўлса-да, «Ювентус» биринчи учрашувда (1:1) меҳмонда урилган гол эвазига финал йўлланмасини қўлга киритди.
Турин клуби учун бу мусобақа тарихидаги 19-финал бўлади. Шу тариқа «Ювентус» ўз рекордини янгилади. Ушбу кўрсаткич бўйича иккинчи ўринда 16 та йўлланма билан «Рома» бормоқда.
Финалда «кекса синьора» «Интер» — «Наполи» учрашуви ғолиби билан дуч келади. Ушбу жамоаларнинг биринчи ўйинида «Наполи» кичик ҳисобда ғалаба (1:0) қозонган. Жавоб учрашуви 13 июнь, шанба куни бўлиб ўтади.
Изоҳ (0)