Тошкент вилояти Қибрай туманида уч кишининг бир йигитни дўппослаши натижасида 27 ёшли Д.Б. воқеа жойида вафот этган. Бу ҳақда ИИВ ҳузуридаги Тергов департаменти хабар қилди.
Хабар берилишича, 2020 йил 8 июнь куни соат тахминан 23:00 да фуқаро 30 ёшли Ш.К., танишлари 27 ёшли Ш.Р. ва 26 ёшли Б.А. билан гуруҳ бўлиб, Қибрай туманида эски таниши 27 ёшли Д.Б. билан ўрталарида юзага келган оғзаки келишмовчилик оқибатида жанжаллашган. Жанжал муштлашувга айланиб уч йигит Д.Б.нинг бош-юз соҳаси ва танасининг турли жойларига бир неча марта уриб-дўппослаб, унга оғир тан жароҳатлари етказган.
Оғир жароҳатлар олган Д.Б. ҳодиса содир бўлган жойда вафот этган.
Ҳолат юзасидан Қибрай тумани ИИБ ҳузуридаги тергов бўлими томонидан Ш.К., Ш.Р. ва Б.А.га нисбатан Ўзбекистон Республикаси Жиноят кодексининг 104-моддаси 3-қисми «д» банди (Жабрланувчининг ўлимига олиб келган баданга қасддан оғир шикаст етказиш) билан жиноят иши қўзғатилган.
Ушбу фуқаролар гумон қилинувчи тариқасида жалб қилиниб, процессуал тартибда ушланган.
Мавзуга доир:
- Тошкентда «Арча-кўча»даги пичоқбозлик жабрланувчиларидан бири вафот этди
- Тошкентда 17 ёшли сартарош бир йигитни қайчи билан ўлдириб қўйди
- Андижонда теракларнинг сояси бир кишининг ўлимига сабаб бўлди
- Зангиотада белкурак билан танишини уриб, унинг ўлимига сабаб бўлган йигит 12 йилгача озодликдан маҳрум қилиниши мумкин
- Зангиотада 31 йиллик жиноят фош этилди. Қотилликни содир этган аёл ҳозир 83 ёшда
Изоҳ (0)