Niderlandiyalik olimlar yangi qo‘ng‘iz turini afsonaviy ingliz guruhi — The Beatles sharafiga nomladi. Bu haqda Britaniyaning The Daily Telegraph gazetasi xabar berdi.
Qattiqqanotli hasharotlar turiga kiruvchi qo‘ng‘izning kattaligi 2 millimetrga yaqin bo‘lib, unga Ptomaphagus thebeatles nomi berilgan.
Ta’kidlanishicha, ushbu qo‘ng‘iz Amsterdam markazidagi Vondel bog‘idan topilgan bo‘lib, bu yer mahalliy aholi va poytaxt mehmonlari orasida juda mashhur hisoblanadi. Qo‘ng‘iz olimlar bilan birga, qo‘llarida kattalashtiruvchi oyna bilan atrof-muhitni o‘rganishga bag‘ishlangan ko‘ngillilar ilmiy-o‘quv ekskursiyasi vaqtida topilgan.
Qo‘ng‘izni aniqlash guruhidan o‘rin olgan Amsterdam erkin universiteti olimlarining ma’lum qilishicha, qo‘ng‘izda “Liverpul to‘rtligi”ga bog‘liq o‘ziga xos biror nima yo‘q. Niderlandiyalik olimlarni buning uchun shuncha vaqt talab etilgani hayron qoldirgan.
“Shu vaqtgacha qo‘ng‘iz The Beatles sharafiga nomlanmagani g‘alati. Hozirda bu Contributions to Zoology ilmiy jurnali tomonidan chop etilgan yangi maqolada to‘g‘irlandi”, — deyiladi universitet xabarida.
Izoh (0)