Philippine Airlines aviakompaniyasi styuardessalari parvoz vaqtida yo‘lovchi ayolga farzandini dunyoga keltirishga ko‘maklashdi, deb yozadi “Korrespondent.net”.
Dubay—Manila yo‘nalishi bo‘ylab uchgan samolyot bortida bo‘lgan ayolda to‘lg‘oq boshlangan.
Qayd etilishicha, o‘sha paytda samolyot to‘qqiz kilometr balandlikda bo‘lgan.
Bort kuzatuvchilari yo‘ldosh aloqa orqali shifokor bilan bog‘lanishga muvaffaq bo‘lgan. Mutaxassis tug‘ruq jarayonini masofadan turib nazorat qilgan.
Aviakompaniya vakili Siyelo Vilyaluna bortkuzatuvchilar jamoasi ayolga sog‘lom o‘g‘il farzandni dunyoga keltirishga ko‘maklashganini aytgan.
Tug‘ruqdan keyingi suratlarda bortkuzatuvchilar hamda chaqalog‘ini ko‘tarib turgan ayolni ko‘rish mumkin.
Bortkuzatuvchilar maxsus kostyum kiygan hamda niqob taqib olgan.
Izoh (0)