Avstraliyalik fotograf Tobias Baumgartner Instagram’dagi sahifasiga ikki pingvin ishtirokidagi videoni joylashtirdi. Ushbu video internet foydalanuvchilariga manzur bo‘ldi.
Foto va video Melburn tashqarisida o‘tgan yili olingan. Biroq Tobias insonlar yaxshi yangiliklarga muhtoj bo‘lgan hozirgi kunda ularni e’lon qilishga qaror qildi. Fotografning so‘zlariga ko‘ra, ushbu tasvirlarni olish uchun u uch kun pingvinlar galasi yaqinida yashagan.
“Bu ikki pingvin bir necha soat mobaynida qoyada quchoqlashgan holda turdi hamda yorug‘ chiroqlari okeanga tutashib ketgan Melburn osmonini tomosha qildi. Volontyor menga oq pingvin juftini yo‘qotgan urg‘ochi, uning yonidagi esa urg‘ochisini yo‘qotgan erkak pingvin ekanligini aytdi. Ular tez-tez uchrashar va shu tariqa bir-biriga taskin berar ekan”, — deb yozadi fotograf.
https://www.instagram.com/p/B_YuSL1BWxa/
“Bir-biriga mehr ko‘rsatayotgan bu ikki pingvin jonivorlar galasidan ajralib turardi. Boshqa pingvinlar uxlar, yugurar edi, biroq bu ikkalasi uchun vaqt to‘xtab qolgandek edi, go‘yo. Ular shunchaki bir-biriga suyanib, uzoqlarga qarardi”, — deya so‘zlarini davom ettiradi Тоbias.
Izoh (0)