Zak Krin ismli bloger qaynatilgan tuxumni bir soniya ichida po‘stidan tozalashni videoga olib, internetga joyladi va mashhur bo‘lib ketdi. Yigit rolikni o‘zining TikTok sahifasida e’lon qilgan.
Videoda Krin qaynatilgan tuxumni qo‘liga olib, uning ikki tomonini teshadi va biroz po‘stidan tozalaydi. Shundan so‘ng yigit tuxumni kaftiga olib, uning ustki qismidan pastki qismiga qarab qattiq puflaydi. Shunda tuxum po‘stidan ajralib ketadi.
Ayrim foydalanuvchilar bunday usulni gigiyena qoidalariga zid, deb atagan.
Krin boshqalarga atalgan tuxumni bunday tozalamaslikni maslahat beradi.
Blogerning roligiga Fox va Sun kabi yirik nashrlar e’tibor qaratdi. Shundan so‘ng uning videosi millionlab foydalanuvchilar tomonidan tomosha qilindi hamda Krin mashhur bo‘lib ketdi.
Izoh (0)