Kataloniyaning “Barselona” klubi bosh murabbiyi Kike Setyen hujumchi Lionel Messining holati haqida gapirdi.
“Unda kichik shikastlanish bor, ammo bu jiddiy emas. U ajoyib formada va maydonga tusha oladi.
Uning holati qolganlarniki bilan bir xil. Vaziyatdan kelib chiqib, jamoa uchun foydali bo‘lgan qarorni qabul qilamiz. Shuningdek, bizda unchalik ham katta tarkib yo‘qligini yoddan chiqarmaslik zarur.
Albatta, men Messining doimo maydonda bo‘lishini afzal ko‘raman, biroq nima bo‘lishini vaqt ko‘rsatadi”, — deydi Setyen.
Avvalroq 32 yoshli argentinalik futbolchining son mushaklari cho‘zilgani va yakka tartibda mashg‘ulot o‘tkazayotgani aytilgandi.
Messi joriy mavsum La Ligada 22 ta o‘yin o‘tkazib, 19 ta gol urgan va 12 ta golga hammualliflik qilgan. Uning katalon klubi bilan amaldagi shartnomasi 2021-yilgacha amal qiladi.
Eslatib o‘tamiz, “Barselona” tanaffusdan keyin dastlabki o‘yinini 13-iyun kuni “Malyorka”ga qarshi o‘tkazadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)