Ўзбекистон терма жамоаси ЖЧ—2022 ва Осиё Кубоги—2023 мусобақалари саралаш босқичининг навбатдаги ўйинлари саналари маълум бўлди.
Аввалроқ ОФК саралаш босқичи ўйинларини октябрь ойидаги ФИФА кунларидан бошлаб давом эттиришни сўраб, ФИФАга хат юборгани хабар қилинганди. Ўзбекистонлик футбол мутахассиси Алишер Никимбаевнинг маълум қилишича, мазкур таклиф ФИФА томонидан маъқулланган ва тез орада ОФК ҳам бу борада расман маълум қилади. Ушбу маълумотларни «Дарё»нинг ЎФАдаги манбаси ҳам тасдиқлади.
Шу тариқа март ва июнь ойларида ўтиши керак бўлган Ўзбекистон терма жамоаси иштирокидаги ўйинлар октябрь ва ноябрь ойларида бўлиб ўтади. Хусусан, 13 октябрь куни Ўзбекистон терма жамоаси сафарда Яман билан учрашади, 8 октябрда Вадим Абрамов жамоаси дам олади.
Шунингдек, терма жамоа ноябрь ойида ҳам иккита учрашув ўтказади. 12 ноябрда Сингапур меҳмон қилинади, 17 ноябрда эса Ўзбекистон сафарда Саудия Арабистони билан ўйнайди.
ЖЧ—2022 саралаш босқичи
7-тур баҳслари
8 октябрь, пайшанба
Фаластин — Сингапур
Саудия Арабистони — Яман
8-тур баҳслари13 октябрь, сешанба
Яман — Ўзбекистон
Сингапур — Саудия Арабистони
9-тур баҳслари12 ноябрь, пайшанба
Саудия Арабистони — Фаластин
Ўзбекистон — Сингапур
10-тур баҳслари17 ноябрь, сешанба
Саудия Арабистони — Ўзбекистон
Фаластин — Яман
Мавзуга доир: Коронавирус сабаб Ўзбекистон терма жамоасининг март ва июнь ойларидаги ўйинлари қолдирилди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)