Исроил бош вазири Биньямин Нетаньяху Иордан дарёсининг ғарбий соҳилини аннексия қилиш муддати ҳақида маълумот берди: ерлар июль ойида ўзлаштирилади. Бу ҳақда маҳаллий телевидениега таяниб, Reuters хабар берган.
Ушбу масала юзасидан Исроил Вазирлар маҳкамасининг биринчи йиғилиши 1 июлда бўлиб ўтади. Мамлакат бош вазирининг фикрича, яҳудийлар давлатига 1948 йилда асос солинганидан буён илк бор Иудея ва Самария устидан суверенитет (ҳудудий яхлитлик) ўрнатишга яқин турибди.
«Бу биз учун реал имконият, уни қўлдан чиқармоқчи эмасмиз», — дея Нетаньяху сўзларини келтирган агентлик.
Исроил ҳукумати раҳбари белгиланган муддатни ўзгартирмоқчи эмаслигини ҳам таъкидлаб ўтган.
Мавзуга доир: Исроилда Биньямин Нетаньяху устидан суд бошланди. Мамлакат тарихида биринчи бор амалдаги бош вазир айбланувчига айланди
Нетаньяху Фаластин ҳудудларини ўзлаштириш вақти келгани ҳақида Кнессетнинг 17 майда ўтказилган йиғилишида гапирганди. У сайловдан аввалги учрашувлар вақтида ҳам ушбу ишни амалга ошириши ҳақида ваъда берганди.
21 майда Россияда Исроил ишлари бўйича вақтинчалик вакил Эли Белоцерковский Иорданнинг ғарбий соҳиллари аннексиясини Қрим ярим оролининг Россияга қўшилишга таққослаб бўлмаслигини таъкидлаган.1967 йилда Иордан ғарбий соҳилидаги Иудея ва Самарияда исроилликлардан иборат аҳоли яшаш жойлари ташкил этилган. БМТ хавфсизлик кенгаши ушбу ҳудудларни босиб олинган деб ҳисоблайди, Исроил эса уларнинг баҳсли ерлар эканини таъкидлаб келади.
Изоҳ (0)