MJ Developers va uning asoschisi Murari Jalanning shiori –“Yangi turmush tarzini quramiz”. Bu ibora nimani anglatadi va uni qanday his qilish mumkin?
Keling, bu nimani anglatishini aniq loyihalar misolida ko‘rib chiqamiz. Dastavval aynan brend haqida ozroq aytib o‘taylik. MJ Developers – bizning qurilish bozorimizga o‘zining ilhomlantiruvchi loyihalari bilan kirib kelgan xalqaro brend. Murari Jalan va MJ Developers qurilish biznesida 15 yildan ortiq vaqt davomida ishtirok etib kelmoqda hamda BAA, Braziliya, Rossiya va Hindiston kabi mamlakatlarda yirik loyihalarga ega.
MJ Developers O‘zbekistonda “shahar ichida shahar” prinsipi asosida ishlab chiqilgan ko‘p funksiyali majmualar qurmoqda. Namanganda Namangan Square majmuasining qurilish ishlari jadal ketmoqda. Bu 18 gektar maydonga ega o‘ziga xos loyiha bo‘lib, unda 1500 dan ortiq xonadonlar joy oladi. Loyiha ko‘lami haqiqatan lol qoldiradi: alohida qo‘riqlanadigan hududda shoping va biznes markazlari, maktab, parklar va sayr yo‘laklari, xiyobon, restoran hamda qahvaxonalar, shuningdek, zamonaviy bolalar va sport maydonchalari joy oladi.
Majmua hududida, shuningdek, 9 chuqurchali golf maydoni, sport zali, SPA, basseyn va qulay kinozallarni birlashtirgan klabxausni o‘z ichiga oladi.
Bo‘lajak aholi uchun tayyor dizaynli va to‘la ta’mirlangan, derazalari xiyobonga va golf maydoniga qaragan keng xonadonlar taklif etiladi. Uy podyezdlarida ikkitadan liftlar, lobbi va mehmonlar uchun kutish hududi mavjud.
Toshkentda yana ikki loyiha amalga oshiriladi. Minerva City – o‘zida maktablar, kollejlar va jahon darajasidagi universitetni mujassamlashtirgan poytaxtimizning yangi ta’lim markaziga aylanishi mumkin bo‘lgan loyiha. 93 gektarli hududda 15 000 ta shinam xonadonlar, bolalar bog‘chalari, yashil sayr maydonlari, parklar, bolalar maydonchalari, klinika, mehmonxona, yoqilg‘i quyish shoxobchasi, shoping markaz, klabxaus singarilarni o‘zida mujassamlashtiradi. Barchasi majmua aholisi va majmua hududida ta’lim oladigan talabalar uchun.
MJ Developers’ning Toshkentdagi yana bir loyihasi 100 gektarli Lake City sanaladi. Lake City’da turar joy majmualari, savdo markazlari, dam olish hududlari, ijtimoiy infrastruktura uchun muhim bo‘lgan bolalar bog‘chalari va klinikalar, akvaparklar, plyajlar, mavzuli parklar va albatta, Baxt ko‘liga qaragan turar joy majmuasi o‘rin oladi.
Biznes va ishbilarmonlik nuqtayi nazaridan “shahar ichida shahar” formatidagi majmualar ajoyib yechim ham sanaladi. MJ Developers loyihalarini O‘zbekistondagi Rossiya chet el tashkiloti muassisi Igor Bratuxinga ko‘rsatdik. Uning fikricha, viloyatlar va poytaxtda bunday majmualarning mavjudligi biznes iqlimni yaxshilaydi, chunki nafaqat yirik biznes, balki kichik va o‘rta biznes uchun ham yangi maydonlar yaratiladi. Shuningdek, MJ Developers O‘zbekistonga sarmoya kiritish haqida mulohaza qilayotgan, ayrim sabablarga ko‘ra hali bunga ishonmay turgan boshqa chet el kompaniyalari uchun ham ijobiy namuna bo‘lishi mumkin.
Murari Jalan ilhomlangan turmush tarziga qaytaylik va uni Namangan Square misolida his etib ko‘raylik. Tasavvur qiling, Namanganda yashaysiz va Namangan Square’ga ko‘chib o‘tdingiz. Uyg‘onib balkonga chiqasiz va ajoyib manzaradan bahra olasiz. Keyin bolalarni maktabga olib borasiz, ishga borayotib xiyobondan o‘tasiz, sevimli qahvaxonangizdan qahva olasiz. Iconic Towersdagi ofisingizga kelasiz, u yerda biznes hamkorlaringiz bilan ko‘rishasiz. Ishdan keyin klabxausga borasiz, sport zalida shug‘ullanasiz, so‘ngra SPAda hordiq chiqarasiz. Undan keyin shinam uyingizga, oilangiz bag‘riga qaytasiz. Kun davomida Namangan Square hududini tark etish zarur bo‘lmaydi. Puxta o‘ylangan ekotizim va infrastrukturali lyuks toifasidagi majmua yangi imkoniyatlar yaratadi va sizning yangi turmush tarzingizga aylanadi.
Loyiha bilan saytda tanishishingiz mumkin: https://namangansquare.com
Izoh (0)