MJ Developers ва унинг асосчиси Мурари Жаланнинг шиори –«Янги турмуш тарзини қурамиз». Бу ибора нимани англатади ва уни қандай ҳис қилиш мумкин?
Келинг, бу нимани англатишини аниқ лойиҳалар мисолида кўриб чиқамиз. Даставвал айнан бренд ҳақида озроқ айтиб ўтайлик. MJ Developers – бизнинг қурилиш бозоримизга ўзининг илҳомлантирувчи лойиҳалари билан кириб келган халқаро бренд. Мурари Жалан ва MJ Developers қурилиш бизнесида 15 йилдан ортиқ вақт давомида иштирок этиб келишмоқда ҳамда БАА, Бразилия, Россия ва Ҳиндистон каби мамлакатларда йирик лойиҳаларга эгадирлар.
MJ Developers Ўзбекистонда «шаҳар ичида шаҳар» принципи асосида ишлаб чиқилган кўп функцияли мажмуалар қурмоқда. Наманганда Namangan Square мажмуасининг қурилиш ишлари жадал кетмоқда. Бу 18 гектар майдонга эга ўзига хос лойиҳа бўлиб, унда 1500 дан ортиқ хонадонлар жой олади. Лойиҳа кўлами ҳақиқатан лол қолдиради: алоҳида қўриқланадиган ҳудудда шопинг ва бизнес марказлари, мактаб, парклар ва сайр йўлаклари, хиёбон, ресторан ҳамда қаҳвахоналар, шунингдек, замонавий болалар ва спорт майдончалари жой олади.
Мажмуа ҳудудида, шунингдек 9 чуқурчали голф майдони, спорт зали, СПА, бассейн ва қулай кинозалларни бирлаштирган клабхаусни ўз ичига олади.
Бўлажак аҳоли учун тайёр дизайнли ва тўла таъмирланган, деразалари хиёбонга ва гольф майдонига қараган кенг хонадонлар таклиф этилади. Уй подъездларида иккитадан лифтлар, лобби ва меҳмонлар учун кутиш ҳудуди мавжуд.
Тошкентда яна икки лойиҳа амалга оширилади. Minerva City – ўзида мактаблар, коллежлар ва жаҳон даражасидаги университетни мужассамлаштирган пойтахтимизнинг янги таълим марказига айланиши мумкин бўлган лойиҳа. 93 гектарли ҳудудда 15 000 та шинам хонадонлар, болалар боғчалари, яшил сайр майдонлари, парклар, болалар майдончалари, клиника, меҳмонхона, ёқилғи қуйиш шохобчаси, шопинг марказ, клабхаус сингариларни ўзида мужассамлаштиради. Барчаси мажмуа аҳолиси ва мажмуа ҳудудида таълим оладиган талабалар учун.
MJ Developers’нинг Тошкентдаги яна бир лойиҳаси 100 гектарли Lake City саналади. Lake City’да турар жой мажмуалари, савдо марказлари, дам олиш ҳудудлари, ижтимоий инфраструктура учун муҳим бўлган болалар боғчалари ва клиникалар, аквапарклар, пляжлар, мавзули парклар ва албатта, Бахт кўлига қараган турар жой мажмуаси ўрин олади.
Бизнес ва ишбилармонлик нуқтаи назаридан «шаҳар ичида шаҳар» форматидаги мажмуалар ажойиб ечим ҳам саналади. MJ Developers лойиҳаларини Ўзбекистондаги Россия чет эл ташкилоти муассиси Игор Братухинга кўрсатдик. Унинг фикрича, вилоятлар ва пойтахтда бундай мажмуаларнинг мавжудлиги бизнес иқлимни яхшилайди, чунки нафақат йирик бизнес, балки кичик ва ўрта бизнес учун ҳам янги майдонлар яратилади. Шунингдек, MJ Developers Ўзбекистонга сармоя киритиш ҳақида мулоҳаза қилаётган, айрим сабабларга кўра ҳали бунга ишонмай турган бошқа чет эл компаниялари учун ҳам ижобий намуна бўлиши мумкин.
Мурари Жалан илҳомланган турмуш тарзига қайтайлик ва уни Namangan Square мисолида ҳис этиб кўрайлик. Тасаввур қилинг, Наманганда яшайсиз ва Namangan Square’га кўчиб ўтдингиз. Уйғониб балконга чиқасиз ва ажойиб манзарадан баҳра оласиз. Кейин болаларни мактабга олиб борасиз, ишга бораётиб хиёбондан ўтасиз, севимли қаҳвахонангиздан қаҳва оласиз. Iconic Towers’даги офисингизга келасиз, у ерда бизнес ҳамкорларингиз билан кўришасиз. Ишдан кейин клабхаусга борасиз, спорт залида шуғулланасиз, сўнгра СПАда ҳордиқ чиқарасиз. Ундан кейин шинам уйингизга, оилангиз бағрига қайтасиз. Кун давомида Namangan Square ҳудудини тарк этиш зарур бўлмайди. Пухта ўйланган экотизим ва инфраструктурали люкс тоифасидаги мажмуа янги имкониятлар яратади ва сизнинг янги турмуш тарзингизга айланади.
Лойиҳа билан сайтда танишишингиз мумкин: https://namangansquare.com
Изоҳ (0)