Tojikistonda 14 kun davomida xizmat safarida bo‘lib, u yerlik hamkasblariga COVID-19 koronavirus infeksiyasiga qarshi kurashda yordam bergan o‘zbekistonlik shifokorlar safar taassurotlari haqida gapirib berdi. Tibbiyot xodimlarining qisqa intervyulari “O‘zbekiston 24” telekanalida efirga uzatilgan.
Birinchi navbatda e’tiborni kasallikning aholi o‘rtasida tarqalib ketmasligiga qaratdik. Shu bilan birga O‘zbekistonda ishlab chiqilgan uslubiy qo‘llanmalar, tarqatma materiallar tarqatildi. Kasallikni barvaqt aniqlash masalasi bo‘yicha virusologiya laboratoriyalarida ishni to‘g‘ri tashkillashtirishga e’tibor qaratildi.G‘ofurjon Tojiboyev, vrach-epidemiolog
Mavzuga doir: Tojikistonda koronavirus yuqtirib olganlar soni 2929 nafarga yetdi. Bir sutka ichida 2 nafar bemor COVID-19’dan vafot etdi
Bizni Tojikistonda juda iliqlik bilan kutib olishdi. Shaxsan mening kasbim hamshiralik. O‘z yo‘nalishimda bemorlar bilan ishlash, koronavirusdan himoyalanish haqida bilgan tajribalarimni hamkasblarimga aytib berdim. Tojikiston xalqiga yordam berganimdan juda ham xursandman.Malika Quljonova, hamshira
Avval Tojikistonda koronavirus epidemiyasiga qarshi kurashda mahalliy hamkasblariga yordam bergan tibbiyot xodimlarining O‘zbekistonga qaytgani xabar qilingandi.
Izoh (0)