Toshkentdagi Virusologiya ilmiy-tekshirish instituti klinikasida 13 nafar, Samarqand viloyatida 12 nafar hamda Navoiy viloyatida 8 nafar, jami 33 nafar bemor butunlay sog‘aydi va reabilitatsiyaga kuzatildi, deya xabar qilgan Sog‘liqni saqlash vazirligi.
Shu tariqa Toshkent shahri hamda Toshkent viloyatida tuzalganlar 919 nafarga yetdi va davolanayotganlar 353 nafarni tashkil etmoqda.
Samarqand viloyatida sog‘ayganlar 230 nafarga yetib, davolanayotganlar 94 nafar bo‘lib turibdi.
Navoiy viloyatida darddan forig‘ bo‘lganlar 10 nafar, davolanayotgan bemorlar esa 78 nafarni tashkil qilmoqda.
Aholi orasidan koronavirus infeksiyasi aniqlanayotgan fuqarolar ham aynan ushbu uchta hudud: Navoiy va Samarqand viloyatlari hamda Toshkent shahri hissasiga to‘g‘ri kelmoqda.
“Ushbu hududlarda koronavirus infeksiyasi tarqalishining oldini olish hamda bemorlarni samarali davolash borasida qat’iy choralar ko‘rilmoqda”, — deyiladi xabarda.
Oxirgi sutka davomida 2020-yil 24-may soat 15:30 holatiga ko‘ra, O‘zbekistonda 33 nafar bemor tuzalib, koronavirus infeksiyasidan butunlay sog‘ayganlar 2565 nafarga yetdi.
O‘zbekistonda 24-may soat 10:00 holatiga ko‘ra koronavirus aniqlanganlar soni 3132 nafarni tashkil qilib, sog‘aygan va vafot etganlardan tashqari 554 nafar bemor davolanmoqda. 15-martdan beri 13 nafar bemor infeksiya asoratlari oqibatida vafot etgan.
Izoh (0)