Тожикистонда 14 кун давомида хизмат сафарида бўлиб, у ерлик ҳамкасбларига COVID-19 коронавирус инфекциясига қарши курашда ёрдам берган ўзбекистонлик шифокорлар сафар таассуротлари ҳақида гапириб берди. Тиббиёт ходимларининг қисқа интервьюлари «Ўзбекистон 24» телеканалида эфирга узатилган.
Биринчи навбатда эътиборни касалликнинг аҳоли ўртасида тарқалиб кетмаслигига қаратдик. Шу билан бирга Ўзбекистонда ишлаб чиқилган услубий қўлланмалар, тарқатма материаллар тарқатилди. Касалликни барвақт аниқлаш масаласи бўйича вирусология лабораторияларида ишни тўғри ташкиллаштиришга эътибор қаратилди.Ғофуржон Тожибоев, врач-эпидемиолог
Мавзуга доир: Тожикистонда коронавирус юқтириб олганлар сони 2929 нафарга етди. Бир сутка ичида 2 нафар бемор COVID-19’дан вафот этди
Бизни Тожикистонда жуда илиқлик билан кутиб олишди. Шахсан менинг касбим ҳамширалик. Ўз йўналишимда беморлар билан ишлаш, коронавирусдан ҳимояланиш ҳақида билган тажрибаларимни ҳамкасбларимга айтиб бердим. Тожикистон халқига ёрдам берганимдан жуда ҳам хурсандман.Малика Қулжонова, ҳамшира
Аввал Тожикистонда коронавирус эпидемиясига қарши курашда маҳаллий ҳамкасбларига ёрдам берган тиббиёт ходимларининг Ўзбекистонга қайтгани хабар қилинганди.
Изоҳ (0)