Prezident Shavkat Mirziyoyev 22-may kuni Andijon viloyati va tumanlari hokimlari, iqtisodiyot tarmoqlari rahbarlari ishtirokida yig‘ilish o‘tkazdi.
“Prezident so‘zining boshida barchani Ramazon Hayiti munosabati bilan muborakbod etdi”, — deya xabar bermoqda Prezident matbuot xizmati.
Avvalroq O‘zbekistonda Ramazon Hayiti 24-mayga to‘g‘ri kelishi haqida xabar berilgan edi. Prezident ayyomni “karantin talablariga muvofiq” o‘tkazish haqida qaror chiqargan.
O‘zbekiston Musulmonlari idorasi Ramazon Hayitini karantin davrida nishonlash bo‘yicha bayonot berib, Hayit namozini uyda o‘qishni tavsiya qildi.
Izoh (0)