Qozog‘istonda o‘ta og‘ir jinoyat qilgan o‘zbekistonlik qidiruvga berildi

Qozog‘istonning Jambil viloyatida 1966-yilda tug‘ilgan O‘zbekiston Respublikasi fuqarosi, o‘ta og‘ir jinoyat sodir etgan Dilmurod Normurodov qidirilmoqda, deya xabar bergan viloyat politsiya departamenti matbuot xizmatiga tayanib Kazinform.

Xabarda qayd etilishicha jinoyatchi ozg‘indan kelgan, bo‘yi o‘rtachadan yuqori, burnida chandig‘i bor, egniga kamuflyajli kurtka va jinsi shim kiygan. Shuningdek, Dilmurod Normurodovning qayerdaligi to‘g‘risida ma’lumot bergan kishi mukofotlanishi ham xabarda aytib o‘tilgan.

Politsiya departamenti jinoyatchi haqida ma’lumot bergan kishining anonimligi kafolatlanishini ham eslatgan. Ammo Normurodovning jinoyati nimadan iborat ekanligiga aniqlik kiritilmagan.