Бухоро вилоятида ўз акасининг уйида ўғирлик содир этган шахс қўлга олинди. Бу ҳақда ИИВ матбуот хизмати хабар берди.
Маълум бўлишича, 15 май куни Бухоро вилоятининг Когон шаҳрида яшовчи И.Б. ИИБга ариза билан мурожаат қилиб, 18 апрель куни номаълум шахс И.Б.нинг уйидан 1000 доллар ва умумий қиймати 1 миллион 100 минг сўмлик эркаклар қўл соатини ўғирлаб кетганлигини маълум қилган.
Ички ишлар ходимлари томонидан кўрилган чора-тадбирлар натижасида ушбу жиноятни И.Б.нинг укаси З.Б. содир этганлиги аниқланиб, ушланган.
Ҳолат юзасидан Жиноят кодексининг 169-моддаси (Ўғрилик) 1-қисми билан жиноят иши қўзғатилган.
Аввалроқ Андижонда 6,5 миллион сўмлик соат ҳамда телефон аксессуарларини ўғирлаган шахслар қўлга олингани, саҳарлик вақтида велосипед ўғирлаган шахслар ушлангани хабар берилганди.
Изоҳ (0)