Janubiy Koreyada so‘nggi sutkada koronavirusga chalinganlar soni 27 kishiga oshib, kasallanganlarning umumiy soni 10,9 ming kishiga yetdi, deb xabar bermoqda “RIA Novosti” mamlakat Sog‘liqni saqlash vazirligi huzuridagi Kasalliklar nazorati va profilaktikasi markazi (KCDC) ma’lumotlariga tayanib. Epidemiya boshlanganidan buyon mamlakatda 258 kishi vafot etgan.
Avvalroq 256 kishi vafot etgani haqida xabar berilgan edi. Yangi kasallanish holatlari ko‘payishiga koronavirus borligi gumon qilingan va keyinchalik tasdiqlangan 29 yoshli yigitning 2-mayga o‘tar kechasi Kyongido provinsiyasidagi Yonin shahridan Seulning odam gavjum bo‘lgan Itxevon hududiga borgani va u yerda bir nechta klub va barlarga kirgani sabab bo‘lgan.
Mavzuga doir: Janubiy Koreyada bir oylik pasayishlardan so‘ng koronavirusga chalinganlar soni keskin oshdi
Hukumat kasallanganlar soni yana ortishi kutilayotganini bildirgan. Shu sababli hukumat barcha klublar va ko‘ngilochar joylarni 7-iyunga qadar yopish to‘g‘risidagi tavsiya bilan chiqdi, Seul ma’muriyati esa bunday muassasalarni majburiy ravishda yopish to‘g‘risida buyruq chiqardi.
So‘nggi sutkada kasalxonadan 38 nafar bemorga javob berilgan bo‘lib, sog‘ayganlarning umumiy soni 9 670 kishiga yetgan. Shuningdek, kamida 393 kishining organizmida ular tuzalganidan keyin ham virus saqlanib qolgani kuzatilgan.
Izoh (0)