Жанубий Кореяда сўнгги суткада коронавирусга чалинганлар сони 27 кишига ошиб, касалланганларнинг умумий сони 10,9 минг кишига етди, деб хабар бермоқда «РИА Новости» мамлакат Соғлиқни сақлаш вазирлиги ҳузуридаги Касалликлар назорати ва профилактикаси маркази (KCDC) маълумотларига таяниб. Эпидемия бошланганидан буён мамлакатда 258 киши вафот этган.
Аввалроқ 256 киши вафот этгани ҳақида хабар берилган эди. Янги касалланиш ҳолатлари кўпайишига коронавирус борлиги гумон қилинган ва кейинчалик тасдиқланган 29 ёшли йигитнинг 2 майга ўтар кечаси Кёнгидо провинциясидаги Йонъин шаҳридан Сеулнинг одам гавжум бўлган Итхэвон ҳудудига боргани ва у ерда бир нечта клуб ва барларга киргани сабаб бўлган.
Мавзуга доир: Жанубий Кореяда бир ойлик пасайишлардан сўнг коронавирусга чалинганлар сони кескин ошди
Ҳукумат касалланганлар сони яна ортиши кутилаётганини билдирган. Шу сабабли ҳукумат барча клублар ва кўнгилочар жойларни 7 июнга қадар ёпиш тўғрисидаги тавсия билан чиқди, Сеул маъмурияти эса бундай муассасаларни мажбурий равишда ёпиш тўғрисида буйруқ чиқарди.
Сўнгги суткада касалхонадан 38 нафар беморга жавоб берилган бўлиб, соғайганларнинг умумий сони 9 670 кишига етган. Шунингдек, камида 393 кишининг организмида улар тузалганидан кейин ҳам вирус сақланиб қолгани кузатилган.
Изоҳ (0)