Qoraqalpog‘iston Respublikasida 8 nafar, Farg‘ona viloyatida 3 nafar, jami 11 nafar koronavirus infeksiyasiga chalingan bemor sog‘aydi va reabilitatsiyaga kuzatildi, deb xabar berdi Sog‘liqni saqlash vazirligi.
Xabarga ko‘ra, Qoraqalpog‘istonda sog‘ayganlarning barchasi mahalliy aholi vakillari (6 nafari Nukus shahridan, 2 nafari Qo‘ng‘irot tumanidan), ular koronavirusga chalinganlar bilan muloqot orqali kasallikni yuqtirib olgan.
Bemorlarning 2 nafari erkak, 6 nafari ayol bo‘lib, ular orasida eng yoshi kattasi 53 yoshda bo‘lsa, eng kichigi 2 yoshda. Qoraqalpog‘istonda koronavirusdan tuzalganlar soni 109 nafarga yetgan.
Farg‘onada tuzalganlarning 1 nafari (27 yoshli ayol) ushbu viloyatdan bo‘lib, koronavirusga chalinganlar bilan muloqot orqali kasallikni yuqtirib olgan. 2 nafari 23 yoshli ona va uning 2019-yilda tug‘ilgan chaqalog‘i. Ular Andijon viloyatidan bo‘lib, Istanbul—Farg‘ona yo‘nalishidagi charter reys bilan kelgan va karantinga olingan. Infeksiya aniqlangach, shifoxonaga yotqizilgan. Farg‘ona viloyatida tuzalgan bemorlarning soni 139 nafarga yetdi.
O‘zbekistonda koronavirusdan tuzalganlar 10-may soat 19:00 holatiga ko‘ra 1881 nafarni tashkil qilmoqda.
Avval O‘zbekistonda 2020-yil 10-may soat 16:00 holatiga ko‘ra, COVID-19 koronavirus infeksiyasidan tuzalganlarning umumiy soni 1870 nafarga yetgani xabar qilingandi.
O‘zbekistonda 10-may soat 15:00 holatiga ko‘ra, koronavirusga chalinganlar soni 24 kishiga oshib, 2411 nafarni tashkil qilmoqda.
O‘zbekistonda 15-martdan buyon 1870 kishi kasallikdan sog‘aygan, 10 kishi esa infeksiya asoratlari oqibatida vafot etgan.
Izoh (0)