Қорақалпоғистон Республикасида 8 нафар, Фарғона вилоятида 3 нафар, жами 11 нафар коронавирус инфекциясига чалинган бемор соғайди ва реабилитацияга кузатилди, деб хабар берди Соғлиқни сақлаш вазирлиги.
Хабарга кўра, Қорақалпоғистонда соғайганларнинг барчаси маҳаллий аҳоли вакиллари (6 нафари Нукус шаҳридан, 2 нафари Қўнғирот туманидан), улар коронавирусга чалинганлар билан мулоқот орқали касалликни юқтириб олган.
Беморларнинг 2 нафари эркак, 6 нафари аёл бўлиб, улар орасида энг ёши каттаси 53 ёшда бўлса, энг кичиги 2 ёшда. Қорақалпоғистонда коронавирусдан тузалганлар сони 109 нафарга етган.
Фарғонада тузалганларнинг 1 нафари (27 ёшли аёл) ушбу вилоятдан бўлиб, коронавирусга чалинганлар билан мулоқот орқали касалликни юқтириб олган. 2 нафари 23 ёшли она ва унинг 2019 йилда туғилган чақалоғи. Улар Андижон вилоятидан бўлиб, Истанбул—Фарғона йўналишидаги чартер рейс билан келган ва карантинга олинган. Инфекция аниқлангач, шифохонага ётқизилган. Фарғона вилоятида тузалган беморларнинг сони 139 нафарга етди.
Ўзбекистонда коронавирусдан тузалганлар 10 май соат 19:00 ҳолатига кўра 1881 нафарни ташкил қилмоқда.
Аввал Ўзбекистонда 2020 йил 10 май соат 16:00 ҳолатига кўра, COVID-19 коронавирус инфекциясидан тузалганларнинг умумий сони 1870 нафарга етгани хабар қилинганди.
Ўзбекистонда 10 май соат 15:00 ҳолатига кўра, коронавирусга чалинганлар сони 24 кишига ошиб, 2411 нафарни ташкил қилмоқда.
Ўзбекистонда 15 мартдан буён 1870 киши касалликдан соғайган, 10 киши эса инфекция асоратлари оқибатида вафот этган.
Изоҳ (0)