Kaltak, tovuq go‘ngi va o‘lim jazosi. Odamlar o‘zini izolyatsiyalashi uchun turli davlatlar qanday choralar ko‘ryapti? (foto)
Koronavirus pandemiyasi turli mamlakatlar rasmiylarini odamlar o‘zini yakkalashi uchun har xil noodatiy usullarni qo‘llashga majbur etmoqda. Ba’zi mamlakatlarda sayr qilayotganlarni tayoq bilan savalashsa, boshqa joylarda odamlar ko‘chaga niqob taqib chiqqani uchun qo‘lga olinishi mumkin. “Kommersant” odamlar o‘zini yakkalashi uchun turli davlatlarda ko‘rilayotgan choralar haqida suratlar taqdim etdi.
Hindiston politsiyasi jismoniy choralardan psixologik choralarga o‘tdi. Ko‘chalarda “koronavirus zombilari” kostyumidagi ko‘ngillilar yuribdi. Ular odamlarni uyda qolishga chorlamoqda.Foto: Reuters
Avvalroq Hindiston politsiyasi karantin qoidalarini buzganlarni kaltak bilan savalayotgan suratlar chiqqandi.Foto: Reuters
Nikaragua prezidenti Daniyel Ortega karantin e’lon qilishni istamadi. Ortega Xudo uni o‘z panohiga olishini aytdi. U yana mitinglar ham uyushtirmoqda, ularda odamlar kasallikka qarshi “sevgi kuchi” bilan kurashmoqda.Foto: Reuters
Turkmanistonda jamoat joyida niqob taqqanlar qo‘lga olinmoqda.Foto: “Kommersant”
Shvetsiyada qat’iy karantin choralari qo‘llanilmadi. Rasmiylar aholi vaziyatni ongli ravishda yondashishiga umid bildirdi. Shu bilan birga Shvetsiyaning Lund shahridagi markaziy bog‘da odam to‘planmasligi uchun tovuq go‘ngi sepib chiqildi.Foto: Reuters
Rossiyada may oyidagi bayramlar arafasida Rospotrebnadzor kabobxo‘rlik uchun sayrga chiqmaslikka chaqirdi va o‘rmonlardan kapalar bo‘lishini eslatib o‘tdi. Birinchi kanal efirida boshlovchi qabr toshidagi “Kabobni hayotdan ko‘ra ko‘proq yaxshi ko‘rardi” yozuvini tasavvur qilib ko‘rishni taklif qildi.Foto: “Kommersant”
Italiyada politsiya plyajlardagi odamlarni tarqatish uchun vertolyotlardan foydalandi.Foto: Reuters
Fransiyaning Nitssa shahrida komendantlik soati joriy etildi: kechki soat 8 dan so‘ng odamlar ko‘chaga chiqmasligi uchun shahar ko‘chalaridagi chiroqlar o‘chirilmoqda.Foto: Reuters
Xitoyda epidemiya cho‘qqisiga chiqqan vaqtda karantin qoidalarini buzib, virus tarqalishi va odamlar o‘limiga sababchi bo‘lganlar uchun o‘lim jazosi kiritildi.Foto: Reuters
Janubiy Koreyada yangi kasallangan aniqlansa, hudud aholisining telefon raqamiga xabarnoma yuborildi.Foto: Reuters
Braziliyada komendantlik soati kiritilmadi, ammo mahalliy rasmiylar jinoyatchilar bilan tahdid qildi. Odamlarga soat 20:00 dan so‘ng ko‘chaga chiqmaslik haqida xabar yuborildi. Xabar matnida quyidagi so‘zlar ham bor edi: “Agar hukumat kerakli choralarni ko‘ra olmasa, bu ishni uyushgan jinoyatchilar amalga oshiradi”.Foto: Reuters
Filippin prezidenti Rodrigo Duterte politsiyaga karantin qoidalarini buzganlarni otib tashlashga ruxsat berdi. Ba’zi ko‘chalarda odamlarni tartibga chaqirish maqsadida usti ochiq tobutlar o‘rnatib chiqildi.Foto: AP Photo
Panamada ko‘chaga chiqish uchun muayyan kunlarda ayollarga, boshqa kunlari erkaklarga ruxsat berildi. Yakshanba kuni esa ko‘chaga chiqish taqiqlandi.Foto: AP Photo
Kolumbiyadagi ba’zi shaharlarda odamlarning ID raqamidagi oxirgi raqam bo‘yicha haftaning ma’lum kunida ko‘chaga chiqishiga ruxsat berildi.Foto: Reuters
Serbiyada rasmiylar itlarni kechki soat 8 dan 9 gacha sayr qildirishga ruxsat berdi. It egalarining noroziligidan so‘ng cheklov olib tashlandi.Foto: AP Photo
Izoh (0)