Калтак, товуқ гўнги ва ўлим жазоси. Одамлар ўзини изоляциялаши учун турли давлатлар қандай чоралар кўряпти? (фото)
Коронавирус пандемияси турли мамлакатлар расмийларини одамлар ўзини яккалаши учун ҳар хил ноодатий усулларни қўллашга мажбур этмоқда. Баъзи мамлакатларда сайр қилаётганларни таёқ билан савалашса, бошқа жойларда одамлар кўчага ниқоб тақиб чиққани учун қўлга олиниши мумкин. «Коммерсантъ» одамлар ўзини яккалаши учун турли давлатларда кўрилаётган чоралар ҳақида суратлар тақдим этди.
Ҳиндистон полицияси жисмоний чоралардан психологик чораларга ўтди. Кўчаларда «коронавирус зомбилари» костюмидаги кўнгиллилар юрибди. Улар одамларни уйда қолишга чорламоқда.Фото: Reuters
Никарагуа президенти Даниэль Ортега карантин эълон қилишни истамади. Ортега Худо уни ўз паноҳига олишини айтди. У яна митинглар ҳам уюштирмоқда, уларда одамлар касалликка қарши «севги кучи» билан курашмоқда.Фото: Reuters
Туркманистонда жамоат жойида ниқоб таққанлар қўлга олинмоқда.Фото: «Коммерсантъ»
Швецияда қатъий карантин чоралари қўлланилмади. Расмийлар аҳоли вазиятни онгли равишда ёндашишига умид билдирди. Шу билан бирга Швециянинг Лунд шаҳридаги марказий боғда одам тўпланмаслиги учун товуқ гўнги сепиб чиқилди.Фото: Reuters
Россияда май ойидаги байрамлар арафасида Роспотребнадзор кабобхўрлик учун сайрга чиқмасликка чақирди ва ўрмонлардан капалар бўлишини эслатиб ўтди. Биринчи канал эфирида бошловчи қабр тошидаги «Кабобни ҳаётдан кўра кўпроқ яхши кўрарди» ёзувини тасаввур қилиб кўришни таклиф қилди.Фото: «Коммерсантъ»
Италияда полиция пляжлардаги одамларни тарқатиш учун вертолётлардан фойдаланди.Фото: Reuters
Франциянинг Ницца шаҳрида комендантлик соати жорий этилди: кечки соат 8 дан сўнг одамлар кўчага чиқмаслиги учун шаҳар кўчаларидаги чироқлар ўчирилмоқда.Фото: Reuters
Хитойда эпидемия чўққисига чиққан вақтда карантин қоидаларини бузиб, вирус тарқалиши ва одамлар ўлимига сабабчи бўлганлар учун ўлим жазоси киритилди.Фото: Reuters
Жанубий Кореяда янги касалланган аниқланса, ҳудуд аҳолисининг телефон рақамига хабарнома юборилди.Фото: Reuters
Бразилияда комендантлик соати киритилмади, аммо маҳаллий расмийлар жиноятчилар билан таҳдид қилди. Одамларга соат 20:00 дан сўнг кўчага чиқмаслик ҳақида хабар юборилди. Хабар матнида қуйидаги сўзлар ҳам бор эди: «Агар ҳукумат керакли чораларни кўра олмаса, бу ишни уюшган жиноятчилар амалга оширади».Фото: Reuters
Филиппин президенти Родриго Дутерте полицияга карантин қоидаларини бузганларни отиб ташлашга рухсат берди. Баъзи кўчаларда одамларни тартибга чақириш мақсадида усти очиқ тобутлар ўрнатиб чиқилди.Фото: AP Photo
Панамада кўчага чиқиш учун муайян кунларда аёлларга, бошқа кунлари эркакларга рухсат берилди. Якшанба куни эса кўчага чиқиш тақиқланди.Фото: AP Photo
Колумбиядаги баъзи шаҳарларда одамларнинг ID рақамидаги охирги рақам бўйича ҳафтанинг маълум кунида кўчага чиқишига рухсат берилди.Фото: Reuters
Сербияда расмийлар итларни кечки соат 8 дан 9 гача сайр қилдиришга рухсат берди. Ит эгаларининг норозилигидан сўнг чеклов олиб ташланди.Фото: AP Photo
Изоҳ (0)