Jismoniy tarbiya va sport vazirligi va tizimdagi barcha tashkilotlar rahbar, xodimlarini Sardoba suv omboridagi avariya natijasida jabr ko‘rgan aholiga yordam berish maqsadida maxsus aksiya boshladi.
Vazirlik tomonidan to‘plangan buyumlar, oziq-ovqat mahsulotlari, kiyim-kechak, gigiyenik vositalar, kir yuvish mashinalari, sport kiyimlari va jihozlaridan iborat “Saxovat karvoni” 2-may kuni Sirdaryo viloyatiga yetkazib berilgan.
Jismoniy tarbiya va sport vazirligi tomonidan yuborilgan homiylik ko‘magi Guliston olimpiya zaxiralari maktab-internati hamda Sirdaryo viloyati bolalar-o‘smirlar futbol akademiyasi (Futbol mahorati maktabi) yotoqxonalariga vaqtinchalik evakuatsiya qilingan aholiga yetkazib berilgan.
Shuningdek, bu yerga joylashtirilgan fojiadan jabr chekkan aholining bo‘sh vaqtini mazmunli tashkil etish hamda ularni ruhiy qo‘llab-quvvatlash maqsadida stol tennisi, shaxmat-shashka sport turlari bo‘yicha bir qator musobaqalar ham tashkil etilmoqda.
3-may kuni ham Jismoniy tarbiya va sport vazirligining “Saxovat” aksiyasi doirasida Toshkent shahrida yig‘ilgan ro‘zg‘or buyumlari, issiq kiyim-kechaklar, oziq-ovqat mahsulotlari, maktab o‘quvchilari uchun badiiy kitoblar, o‘quv qurollari va boshqa turdagi mahsulotlardan tashkil topgan ikkinchi “Saxovat karvoni” Sirdaryo viloyatiga jo‘natilgan.
Izoh (0)