Футбол агенти Гари Уильямс Англия Премьер Лигасининг қолган ўйинларини Австралиянинг Перт шаҳрида ўтказишни таклиф қилди.
«Мен АПЛ клублари вакиллари билан боғландим, уларга бу ғоя ёқмоқда.
Шунингдек, Австралия ҳукумати мансабдорлари билан ҳам гаплашдим, бу уларда қизиқиш уйғотмоқда. Ҳафта давомида яна суҳбатлашамиз.
Бу ер хавфсиз. Ҳукумат кўплаб чекловларни олиб ташлаган, пляжлар очиқ. Сўнгги ўн кунда тўрттагина коронавирус юқтириб олиш ҳолати қайд этилди, — дейди агент.
Перт шаҳрида тўртта стадион жойлашган бўлиб, уларнинг бири 65 минг томошабинга мўлжалланган.
Премьер Лига клубларидан бирининг вакили мавсумнинг қолган қисмини Астралияда ўтказиш фикрига қуйидагича муносабат билдирди: «Мавсумлар оралиғида биз дунё бўйлаб турлар уюштирамиз. Бу ҳам худди шунга ўхшайди. Австралияда ҳозир об-ҳаво ҳам мукаммал даражада».
Австралияда шу вақтга қадар 6800 та коронавирус юқтириб олиш ҳолати қайд этилган. Беморларнинг 5817 нафари соғайган бўлса, 95 киши ҳалок бўлган. Буюк Британияда эса касалланганлар сони 182 мингдан ошган. 28 мингдан ортиқ киши вафот этган.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)