Qozog‘istonda koronavirusga chalinganlar bir sutka ichida 47 kishiga, Qirg‘izistonda esa 10 kishiga ko‘paydi

Qozog‘istonda 1-may holatiga ko‘ra, koronavirus bilan kasallanish bo‘yicha yana 47 ta holat qayd etilib, kasallikka chalinganlarning jami soni 3 551 kishiga yetdi, deb xabar bermoqda Tengrinews.

Qayd etilishicha, Pavlodarda 13 ta, Olmaotada 10 ta, Chimkentda 8 ta, Jambil viloyatida 4 ta, Qizilo‘rda viloyatida 3 ta, Qarag‘anda viloyatida 2 ta, Atirau viloyatida esa bitta holat aniqlangan.

Mamlakatda COVID-19 koronavirus infeksiyasi tarqalishi boshlanganidan buyon 25 kishi virus qurboniga aylangan, shuningdek, 866 bemor sog‘aygan.

Avvalroq Qozog‘iston prezidenti Qosim-Jo‘mart To‘qayev mamlakatda amalda bo‘lgan favqulodda holat rejimi 11-maygacha uzaytirilganini ma’lum qilgandi. Shu sababli aholiga ketma-ket ikkinchi oy salkam 100 dollardan yordam puli tarqatiladi.

Eslatib o‘tamiz, Qirg‘izistonda pandemiya sabab 15-aprelga qadar favqulodda holat rejimi joriy etilgan edi. Mamlakatning yirik shaharlar aholisiga soat 20:00 dan keyin ko‘chaga chiqish taqiqlangan.