Қозоғистонда 1 май ҳолатига кўра, коронавирус билан касалланиш бўйича яна 47 та ҳолат қайд этилиб, касалликка чалинганларнинг жами сони 3 551 кишига етди, деб хабар бермоқда Tengrinews.
Қайд этилишича, Павлодарда 13 та, Олмаотада 10 та, Чимкентда 8 та, Жамбил вилоятида 4 та, Қизилўрда вилоятида 3 та, Қарағанда вилоятида 2 та, Атирау вилоятида эса битта ҳолат аниқланган.
Мамлакатда COVID-19 коронавирус инфекцияси тарқалиши бошланганидан буён 25 киши вирус қурбонига айланган, шунингдек, 866 бемор соғайган.
Аввалроқ Қозоғистон президенти Қосим-Жўмарт Тўқаев мамлакатда амалда бўлган фавқулодда ҳолат режими 11 майгача узайтирилганини маълум қилганди. Шу сабабли аҳолига кетма-кет иккинчи ой салкам 100 доллардан ёрдам пули тарқатилади.
Қирғизистонда эса 1 май куни коронавирусга чалинганлар сони 10 кишига кўпайиб, 756 нафарга етди, деб хабар бермоқда «Kloop.kg». Шундан 8 киши вафот этган, 504 нафари тузалган.Эслатиб ўтамиз, Қирғизистонда пандемия сабаб 15 апрелга қадар фавқулодда ҳолат режими жорий этилган эди. Мамлакатнинг йирик шаҳарлар аҳолисига соат 20:00 дан кейин кўчага чиқиш тақиқланган.
Изоҳ (0)