“Latsio” hujumchisi Chiro Immobile “Sevilya”da birga faoliyat yuritgan sobiq ustozi Unai Emerini tanqid ostiga oldi.
“Sevilya”da o‘zimni noqulay his qilganman, menga kamdan kam imkoniyat berishardi. Yanvar oyida ketishni istagandim, biroq Emeri mendan qolishni so‘radi. Maydonga tushib ikkita gol urdim, ammo u meni zaxiraga mixlab qo‘ydi. O‘shanda Emeri hech vaqoni tushunmasligini anglab yetdim.
Nima qilib bo‘lsa ham “Latsio”da o‘ynashni xohladim. Rimda o‘zimni darhol ajoyib his qildim, menga jamoa va murabbiy yoqdi. Bu yerda Dortmundda qilgan xatomni takrorlamadim. Germaniyada katta masu’liyatni sezgandim, Rimda esa bu haqda o‘ylamaslikni ma’qul ko‘rdim”, — deydi Immobile.
“Sevilya” 2015-yilning yozida Immobileni sotib olish huquqi bilan “Borussiya D”dan ijaraga oladi. Yanvarda esa futbolchining transfer huquqini sotib olgan holda uni “Torino”ga ijaraga beradi. Chiro sevilyaliklar safida 15 o‘yin o‘tkazib, to‘rtta golga mualliflik qiladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)