«Лацио» ҳужумчиси Чиро Иммобиле «Севилья»да бирга фаолият юритган собиқ устози Унаи Эмерини танқид остига олди.
«Севилья»да ўзимни ноқулай ҳис қилганман, менга камдан кам имконият беришарди. Январь ойида кетишни истагандим, бироқ Эмери мендан қолишни сўради. Майдонга тушиб иккита гол урдим, аммо у мени захирага михлаб қўйди. Ўшанда Эмери ҳеч вақони тушунмаслигини англаб етдим.
Нима қилиб бўлса ҳам «Лацио»да ўйнашни хоҳладим. Римда ўзимни дарҳол ажойиб ҳис қилдим, менга жамоа ва мураббий ёқди. Бу ерда Дортмундда қилган хатомни такрорламадим. Германияда катта масуълиятни сезгандим, Римда эса бу ҳақда ўйламасликни маъқул кўрдим», — дейди Иммобиле.
«Севилья» 2015 йилнинг ёзида Иммобилени сотиб олиш ҳуқуқи билан «Боруссия Д»дан ижарага олади. Январда эса футболчининг трансфер ҳуқуқини сотиб олган ҳолда уни «Торино»га ижарага беради. Чиро севильяликлар сафида 15 ўйин ўтказиб, тўртта голга муаллифлик қилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)