Transfermarkt portali Yevropaning kuchli o‘nlik chempionatlarida harakat qiluvchi o‘z klubiga sodiq futbolchilar reytingini e’lon qildi.
Ro‘yxatning birinchi pog‘onasidan Moskvaning SSKA klubi darvozaboni Igor Akinfeyev o‘rin oldi. 34 yoshli posbon “armiyachilar” safida 17 yil, 13 oy-u 23 kundan buyon harakat qilib keladi. Ikkinchi o‘rinni “Sent-Etyen” himoyachisi Loik Perren (16 yil, 9 oy-u 24 kun) egallagan bo‘lsa, “Barselona” hujumchisi Lionel Messi kuchli uchlikka yakun yasadi. Argentinalik futbolchi “ko‘k-anorranglilar” safida 16 yil, 3 oy-u 23 kundan buyon to‘p suradi.
Shuningdek, kuchli o‘nlikdan “Yuventus” himoyachisi Jorjio Kyellini, “Real” himoyachilari Serxio Ramos va Marselo ham o‘rin olgan.
- Igor Akinfeyev (SSKA, 17 yil, 3 oy, 23 kun)
- Loik Perren (“Sent-Etyen”, 16 yil, 9 oy 24 kun)
- Lionel Messi (“Barselona”, 16 yil, 3 oy, 23 kun)
- Franchesko Manyanelli (“Sassuolo”, 14 yil, 9 oy, 24 kun)
- Jorjio Kyellini (“Yuventus”, 14 yil, 9 oy, 24 kun)
- Serxio Ramos (“Real”, 14 yil, 7 oy, 24 kun)
- Semmi Bossut (“Zyulte-Varegem”, 13 yil, 9 oy, 24 kun)
- Bruno Soriano (“Vilyarreal”, 13 yil, 9 oy, 24 kun)
- Xavi Lopes (“Espanyol”, 13 yil, 9 oy, 22 kun)
- Marselo (“Real”, 13 yil, 3 oy, 23 kun)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)